Ս. Ծնունդ
Ինչպէս եւ բոլոր Արեւելեան Քրիստոնեայ Եկեղեցիները, Հայ Առաքելական եկեղեցին եւս Քրիստոսի Սուրբ Ծնունդն ու Աստուածայայտնութիւնը տօնախմբում է յունուարի 6-ին: Մինչեւ չորրորդ դար բոլոր քրիստոնեաներն այս տօնը կատարում էին յունուարի 6-ին: Փորձելով ազատուել Սատուռնալիա կոչուող հեթանոսական տօնից, 5-րդ դարից սկսած Հռոմեական Կաթոլիկ Եկեղեցին Սուրբ Ծննդեան տօնը նշում է դեկտեմբերի 25-ին: Յոյն եւ Ռուս Ուղղափառ եկեղեցիները Սուրբ Ծնունդը նշում են յունուարի 7-ին, ինչը Հուլիան օրացոյցով համապատասխանում է դեկտեմբերի 25-ին: Ս. Ծննդեան տօնի ճշտգրիտ անուանումը Հայ Առաքելական Եկեղեցում Աստուածայայտնութիւնն է: Այդ օրը միասին տօնւում են մարմնացեալ Աստուծոյ դրսեւորումները` ծնունդը, մոգերի երկրպագութիւնը, Յորդանան գետում մրկրտութիւնը ս. Յովհաննէս Մկրտչի կողմից:
Իմանալ ավելին:
