h1.entry-title{
display:none;
}
Առակ-29 կրթական եւ մշակութային հիմնադրամի գործունէութիւնը նուիրուած է
- ազգային վերածնունդին
- մշակութային վերականգնմանը
- ստեղծագործական կեանքին
- երկրի բարգաւաճութեանը
- երկրի մրցունակութեանը համաշխարհային շուկայում
բոլոր հայերի համար ստեղծագործ եւ համագործակցական միջավայրում`Հայաստանում:
« Առակ-29» հիմնադրամի անունը ներշնչուել է Առակաց Գրքի 29-րդ գլխից, որտեղ նկարագրւում եւ կարեւորւում է գործնական, կառուցողական աշխարհահայեացք`շեշտելով արդարութիւնը, արժեքները, կրթութիւնը, տեսլականը, բարեգործութիւնը, քննարկումը, խորհրդակցութիւնը եւ բարեփոխող գործունէութիւնը:
Հիմնադրամի ստեղծումից ` 2000թ.-ից ի վեր, Առակ-29-ը ձեռնարկել է բազմաթիւ ծրագրեր եւ ուսումնասիրութիւններ`
- երկրի մրցունակութեան անհրաժեշտութեանը նուիրուած համաժողովներ
- իրաւական բարեփոխումներ
- հասարակական հարցումների անցկացում եւ երիտասարդ հետազօտողների պատրաստում
- արդի հարցերի մասին կազմակերպել է քննարկումներ եւ ուսումնասիրութիւններ` այդ թւում`
o հայրենիք-սփիւռք յարաբերութիւններ
o եկեղեցի-պետութիւն յարաբերութիւններ
o մշակութային ժառանգութեան պահպանում
o հայ մշակութային ինքնութիւնը եւ գլոբալացումը
o հակակոռուպցիա
o սփիւռքը` որպէս սպառողական շուկայ եւ երկրի զարգացման խթան
o միջազգային աջակցութեան ազդեցութիւնը երկրի տնտեսական եւ իրաւական զարգացման վրայ
Առակ-29-ը աջակցել է բազմաթիւ երիտասարդական ծրագրեր արուեստի, սպորտի, եղեկեցական եւ կրթական ոլորտներում, Երեւանում եւ շրջաններում, այդ թւում`
- Ոսկեմիջին Ծրագիր
- Հովեր Կամերային Երգչախումբ
- Զատիկ Մանկատուն
- Մանանա Երիտասարդ Լրագրողների Ծրագիր
- Նարեկ Երգչախումբ
- Եղեգնաձոր Սպորտ եւ Հոգեւոր Զարգացման Ծրագիր
- Հայ Կամաւորների Միութիւն
- Դեպի Հայք
- Կաթողիկէ Սբ. Աստուածածին Ծուխը
- Մաքուր Երեւան
- Մոմենտում Բանակցային Արուեստի Ծրագիր
- Վէմ
- Տնտեսութիւն եւ Արժեքներ
- Ինչպէս եւ մի շարք այլ մշակութային, եկեղեցական եւ կրթական ծրագրերին:
Առակ-29-ի համագործակցական մօտեցմամբ կազմակերպուել են զանազան խմբեր մշակութային ծրագրերի իրականացման համար: Առակ-29-ի աշխատանքային խումբը ներառում է երաժիշտներ, արուեստագէտեր, պատմաբաններ, աստուածաբաններ, թարգմանիչներ եւ ծրագրաւորողներ, որը համալրւում է Առլեքս Ինտերնեյշնլ-ի ոյժերով: Կատարած գործերը ներառում են հրատարակութիւններ, առցանց մշակութային կայքեր եւ հայերէն լեզուի գործիքներ`
- Չ. Դիկենսի Սբ. Ծննդեան Երգի երկլեզու գիրքը
- Շարականների Ընտրանի տպագիր եւ առցանց տարբերակ
- Պատարագ կայք, բառ առ բառ թարգմանութեամբ եւ Աստուածաշնչային ծանօթագրութիւններով (Սբ. Ներսէս Աստուածաբանական Ընծայարանի համագործակցութեամբ)
- Աւանդական Ուղղագրութեան Ձեռնարկ (գիրք եւ առցանց)
- Ուխտաւորների Ուղեցոյց (Սիմատուրզի հովանաւորութեամբ)
- Սբ. Գրիգոր Նարեկացու Մատեան Ողբերգութեան անգլերէն թարգմանութիւն, կայք ծանօթագրութիւններով եւ ժամանակաշրջանի պատմութիւնը www.stgregoryofnarek.am
- Ժամագիրք, Ճաշոց կայք, մշտական օրացոյցով եւ օրուան ժամերով
- Արեւմտահայերէնի Դասընթաց (Հայ Առաքելական Եկեղեցու Առաջնորդարան – Prelacy NY)
- «Արմատներդ Գտիր» Առցանց հայեցի կրթական նիւթերի շտեմարան (Հայ Առաքելական Եկեղեցու Առաջնորդարան – Diocese, NY)
- Շեքսպիր Ամբողջական երկեր հայերէն լեզուով, ծանօթագրութիւններով
- Հայերէն Ստուգաբանական Շտեմարան – 1000-ից աւելի հնդեւրոպական արմատներ, անգլերէն զուգահեռներով եւ ձայների փոփոխութեան որոնման համակարգ
- Հայ Առաքելական Եկեղեցու Կորուստները Ցեղասպանութեան Ընթացքում
- Չոտկի Հայերէն – Երեւանեան ոչ պաշտոնական լեզուի բառարան
- Դասական – 1940թ. Ուղղագրութեան Փոխարկիչ
- Գրաբար Աստուածաշնչի Առցանց Համաբարբառ զուգադիր անգլերէնով
- Գրաբար Աւետարանների Ծաղկաքաղ հինգ լեզուներով (անգլերէն, ռուսերէն, ֆրանսերէն, իսպաներէն, գերմաներէն) Քրիստոսի Կեանքն ու Ուսմունքը
- Open Office-ի համար Արեւելահայերեն (1940թ. ուղղագրությամբ), Արեւելահայերէն (աւանդական ուղղագրութեամբ) եւ Արեւմտահայերէն ուղղագրական սրբագրիչներ
- Հայոց Ցեղասպանության կորուստները մեկ դար անց
- Նարեկի երկլեզու համաբարբառ
Առլեքս Ինտերնեյշլն ՓԲԸ-ի աւագ իրավախորհրդատու, լեզուաբան եւ իրաւաբան Թովմաս Սամուէլեանը ղեկավարել է սոյն ծրագրերը:
Առակ-29-ը, ՀՀ, Երեւանում գրացուած բարեգործական հիմնադրամ է (Վկայական 286.160.04632, տրուած Արդարադատութեան Նախարարութեան կողմից 2002թ. յուլիսի 17-ին): Հիմնադրամը ղեկավարւում է Հոգաբարձուների Խորհրդի կողմից եւ կառավարւում Գործադիր տնօրենի կողմից: Հոգաբարձուների խորհրդի անդամներ` Հայկ Հակոբեան, Արմեն Գալստեան և Արմեն Սիմոնեան (Ատենապետ): Տնտեսագէտ եւ իրաւախորհրդատու Կարէն Վարագեանը հիմնադրամի Գործադիր տնօրենն է: