Սեջոնգ Արքայի Դասերն Այժմյան Գործարար Հավաքույթները Վարելու Վերաբերյալ
Յանգ Սունգ-ջին
2012-03-06, Korea Herald
http://www.koreaherald.com/common/newsprint.php?ud=20120306001255 (Նոյեմբեր 2, 2018)
Պատմական աղբյուրները վկայում են, որ ականավոր թագավորն արքունիքի նիստերը վերածում էր արդյունավետ գաղափարների փոխանակման
Երբևէ եղե՞լ է, որ գործարար հավաքույթի ժամանակ մտածեք, թե ինչ եք այդտեղ անում: Կորեային հատուկ ընդհանրական մշակույթն, ուր կրտսեր աշխատողները պետք է լուռ մնան, մինչ ղեկավարը պահանջում է թարմ գաղափարներ, իրենից ներկայացնում է ժամանակի ծախսատար վատնում:
Գործարար հավաքույթները ծնում են երեք բացասական զուգորդություն՝ դրանք տաղտկալի են, հոգնեցուցիչ և անօգուտ: Իսկ առավել կարևոր խնդիրը կայանում է նրանում, այդ հավաքույթների մեծ մասն ավարտվում է առանց որևէ շոշափելի արդյունքի ձեռքբերման:
Կորեական խոշոր ընկերությունները, որոնք արագորեն ընդունում են կառավարման վերաբերյալ օտարերկրյա խորհուրդներն ու հնարքները, բարեփոխումներ են իրականացնում այլ պարագայում տաղտկալի և անարդյունավետ հավաքույթները որևէ օգտակար բանի վերածելու ուղղությամբ:
Որոշ ընկերություններ սահմանափակում են հավաքույթներն իրականացնելու ժամանակահատվածը առավելագույնը 29 րոպեով: Ըստ հնարավորինս ոչ պաշտոնական լինելու համար (քանզի պաշտոնական իրավիճակում աշխատակիցներն, իրենց ղեկավարներին անախորժություն չպատճառելու մտավախությունից ելնելով, հաճախ ձեռնպահ են մնում որևէ բան ասելուց) հավաքույթներն այժմ կազմակերպվում են տվյալ ընկերության սրճարանում կամ որևէ վայրում, որի վրա փակցված է լինում «քննարկման սենյակ» ցուցանակը՝ «հավաքույթի սենյակի» փոխարեն:
Այնուհանդերձ, փորձագետները պնդում են, որ կորեական գործարարները հակված են այնպիսի հավաքույթներ իրականացնելուն, որոնք չեն հանգեցնում արդյունքի կան եզրակացության, տևում են հարկ եղածից ավելի երկար, կենտրոնանում են ավելի շատ ղեկավարի միակողմանի ասելիքը կամ հրամանները ներկայացնելու, քան թե հավասարության պայմաններում գաղափարներ քննարկելու վրա: Ավելին, հավաքույթից հետո հետադարձ կապի կամ արդյունքերի մշտադիտարկման ապահովումը հազվագյուտ երևույթ է:
Անդրադառնանք կորեական Ջոսեոն առքայատոհմի Սեջոնգ արքային, ով ծնվել է 1397թ. և պատմության մեջ մնացել է որպես երկրի ամենամեծ հարգանքը վայելող ղեկավար: Հռչակավոր միապետը, որը նախաձեռնեց կորեական աբուբենի ստեղծումը, գործնական հավաքույթներ վարելու գիտակ էր: Ի տարբերություն այլ թագավորների, որոնք խուսափում էին պաշտոնյաների հետ արքունական հավաքույթներից, Սեջոնգ արքան իր գահակալության 31 տարվա ընթացքում կազմակերպեց 1898 արքունի հավաքույթ, որոնք կոչվում էին «գյոնգ-յոն»
«Գյոնգ-յոն» մի ծրագիր էր, որը արքայազներին կամ թագավորներին ուսուցանում էր ներկայիս կրթական սեմինարների ձևաչափին համահունչ ձևով», – ասում է Կորեայի առաջնորդության ակադեմիայի հրատարակչական խմբի ղեկավար Քիմ Քի-սոպ:
Քիմը, ով նաև աշխատում է Կորեական հետազոտությունների ակադեմիայն ատընթեր Սեջոնգի առաջնորդության ինստիտուտում, ասում է, որ Ջոսեոնի արքունական հավաքույթների ձևաչափը արժեքավոր դասեր է պարունակում ժամանակակից գործարարների համար:
Գյոնգ-յոն բաղկացած էր երկու նիստից: Առաջին մասում արքունիքի պաշտոնյաները և թագավորը միասին ընթերցում էին որոշակի չինական դասական գրվածք և դրա վերաբերյալ ներկայցնում էին իրենց սեփական մեկնաբանությունները: Երկրորդ՝ եզրափակիչ մասում, նրանք կարդացված նյութն օգտագործում էին խնդրո առարկայի նկատմամբ և փորձում էին գտնել տվյալ դեպքի համար կիրառելի լուծում:
Որևէ գրվածք միասին ընթերցելը և համատեղ քննարկումը հավաքույթն արդյունավետ դարձնելու համար գործարներին ուղղված անկյունաքարային առաջարկներից մեկն է: Թեև մշտազբաղ մասնակիցների համար դասական գրվածքը նախօրոք ընթերցելն այնքան էլ իրատեսական չէ, այնուհանդերձ, որոշակի հարցերի վերաբերյալ կարծիքների կամ փորձի փոխանակումը կարող է խթանել քննարկումը:
Մթնոլորտը ևս կարևոր է: Միայն պատկերցրեք, թե ինչ կպատահեր, եթե որևէ պաշտոնյա 14-րդ դարում հակառակ կարծիք հայտներ ամենազոր թագավորի առաջ: Ի տարբերություն այլ թագավորների, որոնք չէին կարողանում սանձել իրենց բարկությունը, Սեջոնգ արքան սառնասրտություն էր պահպանում իր պաշտոնյաների անգամ սադրիչ հայտարարությունների դեպքում:
Օրինակ, 1440թ. մարտի 13-ին կայացած հավաքույթում պաշտոնյաներից մեկն անհիմն առարկություն ներկայացրեց մարզային կառավարիչների պաշտոնավարման ժամկետները երկարաձգելու վերաբերյալ Սեջոնգի գաղափարի դեմ: Ջոսեոնյան տարեգրքերի համաձայն, մյուս պաշտոնյաները Սեջոնգ արքային համոզում էին պատժել առարկողին, սակայն նա հրաժարվեց այդպես վարվելուց:
«Եթե ես պատժեմ նրան, ապա ո՞վ կհամարձակվի ինձ ասել այն, ինչն ուզում է ասել», – պատասխանեց արքան:
Սեյջոնգ արքան իր ողջ գահակալության ընթացքում հունից դուրդ եկավ 21 անգամ, ինչը կազմում է ամսական միջինը 0,46 անգամ, որը շատ ավելի ցածր է, քան այլ թագավորների ցուցանիշները, ինչպիսիք են Թաջոնգ արքայինը (ամսական 0,46) և Յոնգջո արքայինը (ամսական 0,24):
Ահա մի խորհուրդ այսօրվա ղեկավարների համար՝ ապահովեք, որ հավաքույթի ժամանակ աշխատակիցները խոսեն ազատ կերպով, առանց մտահոգվելու իրենց գաղափարների և առաջարկների հետ կապված հնարավոր բացասական հետևանքների համար և երբեք մի կորցրեք ինքնատիրապետումը:
Սեջոնգ արքային հաջողվում էր պարբերական հավաքույթներից առաջ ստեղծել բարյացակամ մթնոլորտ, որի համար հաճախ պարում էր արքունիքի պաշտոնյաների հետ կամ նրանց կոչում էր իրենց մականուններով:
Հետևելով հանդերձ, որ հավաքույթի մասնակիցներն իրենց ազատ զգան և ազատ արտահայտվելու ցանկություն ունենան, թագավորը նաև կենտրոնանում էր լավ գաղափարները ծրագրերի վերածելու վրա, հավաքույթից հետո կազմակերպելով մշտադիտարկում և հանրային հարցումներ: Սեջոնգ արքան զտում էր գաղափարները, դրանց երեք դասի բաժանելով և վերջնական որոշում էր կայացնում հիմնվելով հեռնակարների և գործնականության ամբողջական ծավալի վրա:
«Ոմանք կարող են առարկել, որ Սեջոնգ արքայի հավաքույթների եղանակը խիստ դանդաղկոտ է արագության գործոնը կարևորող ներկայիս գործարար մշակույթի համար, սակայն ինչպես վկայում է Սեջոնգ արքայի փորձը, անգամ կարճատև հավաքույթներում կարևոր են նախապատրաստական աշխատանքն ու հավաքույթն անցկացնելու հմտությունները»,- ասում է Քիմ Քի-սոպ:
«Ի սկազբանե պատրաստի գաղափարներով գալու փոխարեն, հավաքույթի օրակարգին առնչվող որևէ հետաքրքիր տեքստի ընթերցանությունը կարող է էապես փոխել արդյունքները»:
Գործարար հավաքույթներ վարելու վերաբերյալ Սեջոնգ արքայի դասերի հիման վրա կազմված 10 սկզբունք.
- Նոր գաղափարների համար կիրառեք եռաստիճան գնահատման համակարգ:
Սեջոնգ արքան գաղափարները զտում էր հավաքույթի քննարկումների և առաջարկությունների հիման վրա, դրանք դասակարգելով լավագույն, միջին և ստորին խմբերում: Նա վերջնական որոշում էր կայացնում հաշվի առնելով զանազան գործոնների ամբողջական պատկերը: Նա նաև գործնական մոտեցում ուներ հարցերի նկատմամբ, բաղդատելով ներդվող ջանքերը և ակնկալվող արդյունքը:
- Ձևավորեք հավաքույթի համար պատշաճ մթնոլորտ
Սեջոնգ արքան մթնոլորտը ջերմացնում էր հավաքույթից առաջ օգտագործելով պաշտոնյաների մականունները կամ նրանց հետ պարելով, որպեսզի նրանք իրենց ազատ զգան և ցանկությու ունենան արտահայտվելու ազատ կերպով:
- Տիրապետեք ձեր զգացմունքներին
Սեջոնգ արքան խիստ հազվադեպ էր հունից դուրս գալիս, ավելի քիչ, քան ամսական մեկ անգամը: Երբ դուք բարկանում եք, կամ ցուցադրում եք բացասական զգացմունքներ, ինրպիսին է այլ կարծիքների հանդեպ արհամարհանքը, ապա արդյունավետ արդյունքի հասնելու հնարավորությունը համարյա ամբողջությամբ բացակայում է:
- Խուսափեք ձևական բնույթի հավաքույթներից
Երբ մասնակիցները զգում են, որ հավաքույթը սոսկ ձևական արարողություն է, նրա արդյունավետությունն ակնթարթորեն ընկնում է: Լուծումներից մեկը կարող է լինել տվյալ խնդրով անմիջականորեն զբաղվող անձանց հավաքույթին հրավիրելը, քանի որ նրանք իրենց թարմ գաղափարներով առաջ են մղում այլ պարագայում տաղտկալի դառնող քննարկումները:
- Քննարկեք հավաքույթում կայացվելիք որոշմամբ շահագրգիռ անձանց հրավիրելու հնարավորությունը
Արքունիքի հավաքույթները նոր ձևով անցակացնելու շրջանակում, Սեջոնգ արքան հատկապես կարևորում էր դրանց ազդեցությունը ժողովրդի, առանձնապես նրա ստորին խավերի և փոքրամասնությունների վրա:
- Համատեղ ընթերցեք որևէ տեքստ և դրանից հետո անցեք հավաքույթի օրակարգին
Դասական տեքստերի ընթերցումը նպաստում է խնդիրների ըմբռնմանը: Սեջոնգ արքան նման գործելաոճ հաստատեց, իր պաշտոնյաների հետ միասին տեքստեր ընթերցելով և համատեղ ձեռք բերված գիտելիքը գործնականում կիրառելով:
- Ձևավորեք աշխատանքնային խումբ, որը հետամուտ կլինի կայացված գաղափարների կիրարռմանը
Սեջոնգ արքան ստեղծեց «Սանգ-ջոնգ-սո» կոչվող գործակալությունը, որը պատասխանատու էր հավաքույթներում կայացված որոշումների իրականացմանն ուղղված նախնական ծրագրերի ստեղծման համար: Նախքան վերջնական ծրագրի հաստատումը գործողությունների այդ նախագծերը քննվում էին այլ վարչական մարմինների կողմից:
- Լսեք հակադիր կարծիքները
Նախքան նոր գաղափարի ընդունումը, Սեջոնգ արքան լսում էր բոլոր հակադիր կարծիքները: Նրա ռազմավարությունն ուղղված էր ի սկզբանե թերի կամ արատավոր ծրագրերի զտմանը:
- Նախ ծանոթացեք այլոց կարծիքներին
Սեջոնգ արքան քննարկումը վարում էր բարյացակամ ձևով: Գաղափարի հանդեպ բացասական վերաբերմունք դրսևորելու փոխարեն, նա հաճախ ասում էր «Դուք ճիշտ եք» և «Ձեր կարծիքը հիանալի է»:
- Ձևավորեք մշտադիտարկման համակարգ
Որևէ ծրագիր իրականացնելիս, Սեջոնգը ջանում էր տեղեկանալ հանրային կարծիքին: Օրինակ, նախքան որևէ հանրային օրենք փոփոխելը, իրականացնում էր 170000 բնակիչների կարծիքի ուսումնասիրություն: Հյուսիսից կատարվող ներխուժումների դեմ պայքարելիս, թագավորը հիմնեց մշտադիտարկման բարդ համակարգ, որը գործում էր արքունիքի հավաքույթների և տեղերից ստացվող զեկույցների համադրման սկզբունքով:
Քիմ Քի-սոպ, Կորեական առաջնորդության ակադեմիայի հրատարակչական խմբի ղեկավար
