Ընդհանուր հայկական ուղղագրական փոխարկիչը անվճար գործիք է, որն աջակցում է Microsoft Word-ի տեքստերը խորհրդայինից դասական ուղղագրությանը կամ հակառակը փոխարկելու համար:
Անհրաժեշտ է ի նկատի ունենալ, որ այս գործիքը միայն աջակցում է փոխարկմանը. Փոխարկիչը, թեև նախատեսված է բարձր ճշգրտությամբ աշխատելու համար, այնուհանդերձ չի վերացնում օգտագորշողի կողմից տեքստի վերձնական սրբագրման և խմբագրման անհրաժեշտությունը:
Այն նախատեսված է հիմնականում արևելահայերեն տեքստերի համար, սակայն բարձր ճշգրտությամբ գործում է նաև արևմտահայերեն տեքստերի դեպքում:
Ներբերռնվելուց հետո, ծրագիրը կարելի է աշխատեցնել ձեր Մայքրսոֆտ Վորդի վահանակի գործիքաշերտի վրա գտնվող մեկ կոճակով (որը սովորաբար գտնվում է վերևի ձախ անկյունում):
Ծրագիրը կարելի է ապաներբեռնել ցանկացած ժամանակ մեկնարկի ընտրացանկի միջոցով (Ծրագրի մենեջեր)
Մենք ջանացել ենք փոխարկիչը դարձնել ըստ հնարավորին ամբողջական, սակայն աշխատանքային գործընթացը շարունակվում է, և որքան շատ օգտագործվի ծրագիրը, այնքան շատ կարող է կատարելագործվել:
Հաշվի առնելով, որ սա անվճար գործիք է, այն կարելի է ազատորեն տարածել այլ անձանց համար: Խնդում ենք ձեզ info@commonground.am հասցեով մեզ ուղարկել ցանկացած խնդրահարույց բառ կամ խնդիր, ինչպես նաև ձեզ մոտ ծագող ցանկացած առաջարկություն:
Խնդրում ենք հաշվի առնել, որ անգամ դասական ուղղագրությունում գոյություն ունեն կրավորական գրությունների (ու, վ, ւ) և բայերի դեպքում «կը» նախածանցի փոխարկման զանազան տարբերակներ: Մենք ընտրել ենք այն տարբերակը, որը առավել հեշտացված ձևով է կատարում փոխարկումը Word-ի մեջ: Ուստի, եթե դուք չեք ցանկանում «կը»-ն գրել որպես առանձին նախածանց, ապա կարող եք այն փոխարինել «կ»-ով: Նույն կերպ, եթե դուք չեք ցանկանում կրավորական բառերը գրել «ու»-ով, ապա կարող եք «ու»-ն փոխարինել «վ»-ով բոլոր այն բայերի վերջավորություններում, որտեղ այն հայտնվում է:
