Ա՜յ փոքրիկներ, ա՜յ սիրուններ,―
Ասաւ քամին տերեւներին,―
Աշուն եկաւ, մօտ է ձմեռ,
Ի՞նչ էք դողում ծառի ծէրին:
Ոսկի, դեղին, վառ ծիրանի
Գոյներ հագէք խայտաբղետ
Ու ճիւղերից ձեր մայրենի
Եկէ՛ք ինձ հետ, փախէ՛ք ինձ հետ…
Եկէ՛ք տանեմ հեշտ ու անթեւ,
Անհետ ճամփով, անյայտ տեղեր,
Չէք իմանայ այսուհետեւ
Էլ ինչ է դող, ինչ է ձմեռ…
Տերեւները հէնց լսեցին,
Նախշուն, նախշուն գոյներ հագան,
Սըւսըւալով տխուր երգեր`
Քամու թեւին թռան, փախան:
1909
