Օգնութիւն

Բարի գալուստ հայ հոգեւոր երգին նուիրուծ Sharakan ինտերնետային էջին: Սոյն էջը ներկայացնում է 75 առաւել յայտնի հայ հոգեւոր երգի նմուշները` հատուածներ պատարագից, ամենօրեայ եւ տօնական օրերի ժամերգութիւնների եւ ծէսերի ժամանակ երգուող շարականներ ու մեղեդիներ: Այս ինտերնետային էջը նախատեսուած է բոլոր նրանց համար, ովքեր ցանկանում են սովորել շարականներ, օգտագործել դրանք եկեղեցական ծէսի ժամանակ, կամ կիրակնօրեայ դպրոցում համապատասխան դասընթացների համար: Այդ տեսակէտից ցանկանում ենք Ձեր ուշադրութիւնը հրաւիրել հետեւեալ հիմնական առանձնայատկութիւնների վրայ. .

Պատուհանը բաժանուած է երեք մասերի`
Բովանդակութիւն (ձախ մաս),
Հիմնական տեքստի պատուհան (կենտրոն), եւ
Բացատրութեան պատուհան (աջ մաս):

Շրջանակի վրայ սեղմելով պատուհանի չափերը կարող են փոքրացուել կամ մեծացուել` օգտագործողի  յարմարութեամբ: Երբ շարականը բաց է, հիմնական տեքստի պատուհանի ներքեւում տեսանելի են երեք սեղմելի պատկեր` Որոնում, Նոտաներ եւ Երաժշտութիւն: Դրանք թոյլ են տալիս համաբարբառի սկզբունքով որոնելու նշուած բառը շարականների եւ երգերի տեքստերում, տեսնելու համապատասխան շարականի նոտագրութիւնը, եւ ունկնդրելու դրա գործիքաւորուած մեղեդին:

Պատուհանի վերին մասում գտնուող կոճակները օգտակար տեղեկութիւններ եւ գործիքներ են տրամադրում շարականների եւ Հայ Եկեղեցու պաշտամունքային կեանքում դրանց դերը պարզելու եւ հասկանալու համար:

1.  Եկեղեցական օրացոյց

Այստեղ ներկայացւում են Հայ Եկեղեցու հիմնական տօները` իրենց հակիրճ նկարագրութիւններով: Իւրաքանչիւր տօնի անուան վրայ սեղմելով դուք կարող էք տեսնել տեղեկութիւններ համապատասխան տօնի եւ դրա հետ կապուած միւս տօների մասին: Նաեւ հնարաւոր է տարին փոխելով` տեսնել 1980-2024թթ. համապատասխան օրացոյցը:

2.  Բառարան եւ համաբարբառ

Եռակողմ բառարանը կարելի է դասաւորել անգլերէն, հայերէն կամ տառադարձուած յաջորդականութեամբ: Բառը համատեքստում տեսնելու համար` նախ անհրաժեշտ է ընտրել այն եւ յետոյ սեղմել պատուհանի վերեւում գտնուող Որոնման կոճակը: Որոնման արդիւնքն ի յայտ է գալիս հիմնական պատուհանի աջ մասում գտնուող Բացատրութիւնների պատուհանում:

3.  Նախաբան

Այստեղ ներկայացւում են հակիրճ բացատրութիւններ շարականների տեսակների, ծագման, ձայնեղանակների, ինչպէս նաեւ օրուայ պաշտօնների մասին: Այն ընդհանուր ծանօթութիւն է տալիս հայ հոգեւոր երգի, ինչպէս նաեւ բացատրութիւններում օգտագործուող տերմինների մասին:

4.  Ժամանակացոյց

Այստեղ ներկայացւում են շարականների եւ դրանց հեղինակների համառօտ ժամանակագրական ցուցակները:

Այս ինտերնետային էջի հիմնական բաղադրիչներն են.

1.  Երկլեզու միջավայր. Էջի վերին աջ անկիւնում գտնուող երկու կոճակների օգնութեամբ կարելի է ընտրել պատուհանի լեզուն` հայերէն կամ անգլերէն:

2.  Շարականների ցուցակ. Շարականները հեշտութեամբ գտնելու եւ թերթելու համար դրանց ցուցակները կարգաւորուած են ըստ տօնի, հեղինակի եւ այբբենական կարգով: Տօնի կամ շարականագրի անուան վրայ սեղմելով հիմնական պատուհանում յայտնւում է համապատասխան բացատրութիւն կամ կենսագրութիւն:

3.  Շարականի տեքստը. Հիմնական պատուհանի վերեւում գտնուող կոճակների օգնութեամբ կարելի ընթերցել շարականների տեքստերը գրաբար, անգլերէն թարգմանութեամբ կամ տառադարձութեամբ (արեւելահայերէն):

4.  Բառացի թարգմանութին եւ համաբարբառ. Գրաբար տեքստի բառ առ բառ թարգմանութիւնը տեսնելու համար սեղմէք հիմնական պատուհանում առկայ ցանկացած բառի վրայ: Պատուհանի նեքեւի մասում կը յայտնուեն բառի բառարանային (ուղիղ) ձեւը, անգլերէն թարգմանութիւնը եւ տառադարձութիւնը: Պատուհանի ներքեւում առկայ Որոնման կոճակը սեղմելով Բացատրութիւնների պատուհանում կը յայտնուի շարականներում այդ բառի կիրառութիւնը` համաբարբառի ձեւով:

5.  Նոտագրութիւն եւ մեղեդի. Շարականի նոտագրութիւնը տեսնելու եւ գործիքաւորուած մեղեդին լսելու համար սեղմէք հիմնական պատուհանի ներքեւում առկայ համապատասխան պատկերները: Նոտագրութիւնը տրուած է pdf տեսքով, որը պարունակում է նաեւ անգլերէն բառացի եւ իմաստային թարգմանութիւններ:

ԾԱՆՕԹՈՒԹԻՒՆ: Անհրաժեշտ է նշել, որ ինտերնետային այս էջի տեքստային մասը գրուած է Unicode Armenian տառատեսակով, որը բացակայութեան պարագայում կարելի է անվճար ձեռք բերել համապատասխան ինտերնետային www.freenet.am էջում: Բացի այդ, այս տառատեսակի օգտագործումը հնարաւորութիւն է ընձեռում օգտագործողին հեշտութեամբ որոնել եւ գտնել անհրաժեշտ տեղեկութիւն: